Со решение на градоначалникот на Струмица Петар Јанков, од денеска, со ЈСП Струмица Транспорт ќе раководи Ване Митушев од Киклиш кој своевремено беше член на Советот на Општина Струмица од редовите на ВМРО ДПМНЕ. Тој е именуван за ВД директор на ова локално јавно претпријатие кое го реализира јавниот градски превоз во општина Струмица. Митушев доаѓа на местото на Драги Поп Стојанов кој од основањето е на позицијата директор на „Струмица Транспорт“. Веста ја објави градоначалникот на Струмица Јанков на својата ФБ страна.
„Ване Митушев од денес е назначен за нов директор на Јавното сообраќајно претпријатие Струмица Транспорт. Ване Митушев, по професија е Дипломиран сообраќаен инжинер со две деценсиско работно искуство во областа на патниот сообраќај и транспорт, инаку поранешен советник во советот на Општина Струмица во период од 2009 до 2013 година. Со оваа одлука за нов и искусен кадар, вложуваме во поголема ефикасност на градскиот превоз и економска градска мобилност“, објави Јанков
По промената на градоначлничката функција во Струмица нови директори добија ЈПКД Комуналец и ЈП Паркиралишта, градската библиотека и дел од основните и средни училишта. Во наредниот период се очекува да има промена на директорите во Струмица Гас и Стационар Лана.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
