Желбата да им помогне на пациентите со ретки болести и нивната терапија да се стави на позитивната листа на Фондот за здравствено осигурување е главната мотивација за Валентина Узунова од Богданци која цели 20 години практикува улично и планинско трчање. Посебно се бори за пациентите со пулмонална хипертензија за што, на секој трка настапува со маички и логото на ова болест која пациентите ги остава без здив а терапијата е доста скапа.
Узунова по професија е книговодител, мајка на три деца и баба на една внука. Денот и е посветен на семејството, работните обврски , трчањето. Нема натпревар во улично или планинско трчање во земјава да не биде присутна. Зад себе има стотици медали, признананија од домашни и меѓународни натпревари но она што ја прави посебно горда, што каде и да оди успева да го сврте вниманието не кон неа, туку кон пациентите со пулмонална хипертензија или со други ретки болести.
,, Трчам веќе 20 години рекреативно. Прво почнав поради здравствени причини, но главната што сум толку активна е љубовта кон спортот. Трчам и заради мојата пријателка Ѓурѓица Ќаева од Гевгелија која почина пред повеќе од една година. Страдаше од Пулмонална хипертензија и речиси цела деценија се бореше со надлежните да биде видлива како пациентка со ретка болест и да добие терапија не само како индивидуа туку за сите пациенти кои страдаат од ретки болести. Затоа кога трчам постојано сум со логото на пациентите со ПХ. Ја видов нејзината голгота и како се бореше за здив и нема да се откажам од намерата да го свртам вниманието на надлежните за овие лица,, ни изјави Узунова која има 55 години но годините не и преставуваат проблем кога сака да спортува и да го сврте вниманието на јавноста кон лицата со ретки болести.
Узунова во 2021 година има истрчано 21 трка од кои најголемиот дел се планински. Сака да трча и да ужива во природата да биде дел од неа бидејки како што вели Македонија има одлични планински патеки за рекреација и спортување а патем и убавини кои многу малку се промовирани. Таа вели дека планинското трчање на прв поглед преставува доста напорно, но со редовни тренизни и распоредување на енергијата може да се совладат тие предизвици. Императивот да се истрча некоја планинска рута е дополнителен мотив за Узунова бидејки како што вели на тој начин си дел од природата и се полниш со позитивна енергија. Планинско трчање тренира во околината на Богданци а најмногу по патеките кон ветерниот парк над родното место
,, Годинава учествував на десетина планиски трки. Бев дел од ,,Струмина патека’’ од 18 километри каде освоив трето место во женска конкуренција а прва на ,,Момината камена патека’’ на 20 километри во категоријата на учеснички над 50 години. Освоив второ место на патеката „Водно-Матка’’ од 26 километри, трета на ,,Пелистер’’ каде се трча 45 километри, потоа на Гази баба-Атлетска, Козјак вертикална, Титов врв, зимска вертикала на Чупино и да не ги набројувам. Незнам како да Ви го опишам чувството кога со трчање ќе стасате на целта а паралелно сте дел од природата. Не велам дека е лесно, но мора да сте максимнално подготвен за вакви трки да успеате да ја избалансирате енергијата по угорниците и долините. Природата нема да Ве исцрпи туку напротив ќе Ви даде позитивна енергија,, вели маратонката Узунова
Таа годинава има истрчано над 5 илјади километри само на официјални трки не вклучувајки ги тука и секојдневните тренизи. Денот и почнува во 5 часот наутро со сет вежби како загревање по што ја почнува вообичаената динамика на работни и семејни обврски. Смета дека со добра организација на сите активности може да се зграпчи денот и да се излезе како победник.Тоа со години и е рутина и не и преставува проблем да се соочи со сите секојдневните непредвидливи препреки.
,, Имам редовно тренинзи, се водам по план кој ден каков тренинг треба да имам. Денот ми почнува во пет часот наутро со вежби. Одам на работа а после работата трчам најчесто во околината на Богданци. Кога се враќам од трчање се сконцентрирам на домашните обврски. Паралелно два пати неделно одам на играорна во Фолклорниот ансамбл ,,Мегдан’’ Богданци. Со добра организација може се да се постигне. Моја најголема поддршка се децата а мотивацијата ја добивам од желбата да им помогнам колку што можам лицата со ретки болести да ги добиваат лековите на време и да бидат ставени на позитивната листа. Спортот не е само хоби, тоа е начин на живот, те прави среќен, силен, исполнет. Ти дава здравје пред се, другарување бројни пријателства,, ни објасни ултрамаратонката од Богданци
Член е на АК ,,7 ми Ноември’’ од Гевгелија но и на Планинарскиот клуб ,,Кожув’’ од Гевглеија. Преку Атлетскиот клуб беше дел и на уличните трки во Крушево, Гевгелија, Охрид, Кавадарци, Струга, Скопје но и во Солун. Настапува со логото на пациентите со Пулмонална хипертензија и ги запознава останатите маратонци, организатори за ова ретка болест и ја пренесува пораката дека мора секој пациент да добие терапија на сметка на државата. Често знае да биде дел и од хуманитарни трки за собирање донации за лекување на одредени деца.
,, Секоја трка има посебна тежина, планинските ми се лесни, бидејкис е трча во природа, активни се нозете и главата. Мора да се следат маркациите и каде згазнуваше. Кога сум на трка мислам само на темпото на трчање. Обично уличните се тргнува со послабо а се завршува со посилно темпот. Но јас сакам долги патеки, значи издрливост. Затоа моќам да трчам Ултра планинарска и цел ми е да истрчам 108 километри во планина. Секако дека најкритичн се послендите километри кога организмот е најмногу истрошен. Тогаш помислувам и на болните со ПХ како им е кога остануваат без здив и тоа ми дава најмногу сила,, вели Узунова
Во 2022 таа посакува здравје среќа и љубов но и понатаму ќе трча оти според неа секој има право на живот вклучувајки ги тука и пациентите со ретки болести да им се обезбедат потребните лекови
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
