Учениците од земјоделската струка при СОУ „Гоце Делчев“ во Валандово по часовите за практична настаава одгледуваат цвеќиња кои ќе бидат засадени на јавните зелени површини во градот и населените места во општината. Според информациите во пластеникот на ова училиште, засеани се неколку стотици садници разновидни цвеќиња за кои се грижат самите ученици со професорите . Цвеќињата ќе бидат предадени на Јавното комунално претпријатие во Валандово кое ќе треба да ги искористи за оплеменување на постоечките или создавање нови зелени цветни површини како во градот така и низ наслените места во општината
Соработката меѓу СОУ ,, Гоце Делчев” и ЈК ,, Комунален сервис” ќе продолжи и во иднина и ќе придонесе за разубавувањето на градот и околината. Ова соработка треба да биде и темел за понатамошна меѓуинституционална поврзаност и заедничко спроведување на проекти од широк општествен интерес и во други области имајки во предвид дека станува збор за соработка од која бенефити ќе има цела заедница
Училиштето ,,Гоце Делчев” планира во догледно време да го прошири пластеникот за да можат учениците поуспешно и пофункционално ја изведуваат практичната настава. Инаку во единственото средно училиште во Валандово се школуваат повеќе видови образовни профили кои со завршувањето на четиригодишното стручно образование може директно да се вклучат во производствениот агрокомплекс
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
