Се потпиша договорот за изградба на втората фаза од проектот ,,Јужновардарска долина,, кој предвидува изградба на систем за наводнвуање во валандовскиот регион. Договорот го потпишаа министерот за земјоделство Љупчо Николовски и преставникот на фирмата изведувач Штрабаг Златан Ѓурѓиќ. На свечениот чин присуствуваше и премиерот Зоран Заев кој истакна дека како Влада се силно посветени на модернизација на земјоделството и создавање услови за поконкурентно производство
,, Проектот за наводнување на јужна долина на реката Вардар- втора фаза, е од витално значење за валандовскиот регион. Сегашниот систем обезбедува вода за околу 1600 хектари земјиште, но поради неговата дотраеност, земјоделците трпат огромни загуби. Најважно за нив е што со новиот систем драстично ќе се намалат трошоците за вода. Со сегашната изградба на овој систем ќе се обезбеди навремено и квалитетно наводнување на над 2000 хектари земјоделска површина. Овој проект е вреден 24,3 милиони евра. Станува збор за инвестиција со која го подигнвуаме квалитетот на земјоделството во овој регион и го правиме поконкурентно,, кажа премиерот Заев.
Според договорот кој беше потпишан денес, градежните работи на новиот систем треба да траат прибилижно две години и во овој период би биле изградени главен цевковод со четири препумпни станици и целосна модернизација на мрежата за наводнување.
,,Бенефит од овој проект ќе имаат 1300 домаќинства или 4500 граѓани кои живеат во атарот на селата Удово, Јосифово и Пирава. Изградбата на новиот систем за наводнување ќе обезбеди континуирано снабдување со вода за наводнување 24 часа, 365 дена во годината, со што ќе се создадат услови за обработување на сите расположиви земјоделски површини во ова подрачје,, информираа од општина Валандово од каде тврдат дека се планира и трета фаза со кој аќе бидат опфатени населените места од Валандово – Раборово, Собри и Чалакли.
Проектот “Јужновардарска долина”, се финансира со средствата на Владата на Сојузна Република Германија, преку развојната германска банка “KFW” и со средства од Владата на Република Северна Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
