Општина Валандово,во соработка со јавното комунално претпријатие „Комунален сервис“ и шумската подружница „Саланџак“ го приведува кон крај расчистувањето, а потоа и дефинитивното затворање на дивата депонија меѓу селата Марвинци и Балинци.
– Оваа депонија беше практично користена од сите жители на регионот Бојмија за депонирање на секаков вид отпад.Поради тоа што се наоѓаше покрај самиот пат кон Валандово,претставуваше сериозна закана за здравјето на луѓето и загадувањето на животната средина со нејзиното постојано проширување,така што донесовме одлука да ја затвориме,велат од Општина Валандово.
Градоначалникот Перо Костадинов апелираше до граѓаните отпадот да го фрлаат во поставените контејнери и канти или пак за ослободување од него да се обратат до јавното комунално претпријатие.
–Обврската за чиста и здрава животна средина е наша заедничка. Да покажеме одговорност,повика Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
