Иако вчера Бугарија донесе рестрикции за забрана за патувања поради ситуацијата со ковид-пандемијата, денеска одлуката е сменета и државјани на Македонија ќе може да влезат во оваа земја со потврда за вакцинација или сертификат за прележана болест, но неопходен ќе биде и ПЦР-тест не постар од 72 часа.
Според новата одлука, иако Македонија продолжува да биде во т.н. Црвена зона, сепак се укинуваат ограничувањата за влез за неесенцијални потреби, односно влезот е дозволен. Таков влез ќе биде дозволен не од утре, туку од задутре, се наведува во соопштението на македонското МНР.
Како услов за влез во земјата, вклучувајќи ги и вакцинираните граѓани и прележаните од ковид-19, секој државјанин на Македонија што сака да влезе во Бугарија ќе мора да приложи негативен ПЦР тест не постар од 72 часа.
Според бугарските прописи, во Бугарија ќе може да се влезе со приложување на валиден сертификат за вакцинација против ковид-19 или сертификат за прележана болест, но тие се прифаќаат само заедно со негативен ПЦР тест не постар од 72 часа.
За влез на малолетни лица од 12 до 18 години, исто така е задолжителен негативен ПЦР тест.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
