Брера Холдинг во чиј борд на директори е и Горан Пандев се појави на берзата Насдк во Њујорк каде ја почнаа продажбата на акции со што ќе се официјализира и купопродажбата на струмичкиот прволигаш ФК Академија Пандев. Освен струмичкиот прволигаш ќе бидат купени и други клубов од Мозамбик, Гана, Аргентина за да се изгради цела мрежа од клубови од која најголемите таленти преку струмичкиот прволигаш потоа би се пласирале во клубови на стариот континент.
Станува збор за проект на кој подолг период се работеше а преставници од Брера Холдинг во неколку наврати беа во Струмица кои најавија инвестиции во струмичкиот прволигаш. Според информациите од продажбата на акциите на Њујоршката берза, Брера „собра“ 8 милиони долари кои ќе ги инвестира во мрежата клубови, меѓу кои и во ФК Академија Пандев во Струмица.
„Многу луѓе не веруваа во овој проект. Ама, на крај јас сум среќен што во Македонија ќе инвестираат Американци и Италијанци. Акциите ги продадоа на берза и сега ќе почнат да купуваат клубови. Прв е Академија Пандев, па се надеваме дека ќе избориме опстанок и од следната сезона ќе направиме тим кој ќе игра главна улога во македонското првенство. Имаат луѓето идеи и проект и се надеваме дека ќе ја видиме Академија Пандев за некоја година во групите на Конференциската лига. Јас направив сѐ за овој проект да се оствари, сега тие (на газдите од Брера – н.з.) ќе треба да се докажат дека клубот може да го претстават на големи врати во Европа, а тоа е место во групната фаза во Европа и атак на титулата во Македонија “, вели за Спорт1, Пандев од Њујорк
Според информациите Брера Холдинг треба да купи 70 одсто од акциите додека 30 одсто остануваат на Горан Пандев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
