Екипата на Брера од Струмица на теренот на СЦ „Пандев“ во Струмица ги почна подготовките за новата сезона. На првиот тренинг се појавија сите фудбалери на кои стратегот Бојан Круљ ќе смета во подготвителниот период, но и за наредната првенствена сезона.
На првиот тренинг се појавија сите фудбалери кои беа во дресот на Брера со исклучок на Руфати, Ристевски, Цветановски кои заминаа во нови средини. Во подготовките за сениорскиот состав се приклучија дури десет фудбалери од младинските погони кои со своите квалитети сериозно чукаат за првата екипа, а допрва ќе се приклучат и предвидените засилувања.
Подготовителниот период Брера ќе го реализира во Струмица и во Банско Бугарија каде екипата ќе замине на 10 јули. Таму се планирани и четири контролни средби со доста силни противници. До стартот на првенството во август, формата ќе се темпира во Струмица.
Шефот на стручниот штаб Бојан Круљ најави дека во следната натпреварувачка сезона струмичкиот прволигаш ќе биде далеку поконкурентен тим кој отворено ги најавува амбициите, а тоа е атак на првите четири позиции на прволигашката табела.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
