Брера Струмица ги започна подготовките за вториот дел од сезоната. На помошното игралиште на вештачка треа го имаа првиот тренинг после празниците. Подготовките како што објавија од клубот ќе се реализираат во три фази од кои првата и последната ќе бидат во Македонија додека втората ќе биде во Грција. Токму во втората и третата фаза се планираат и контролките чии имиња допрва ќе бидат објавени.
За пролетниот дел од првенството Брера ќе атакува на опстанок што е и главна цел. Нема некои поголеми промени во играчкиот состав. Замина тројца играчи кои ќе бидат пополнето со нови имиња
„Започнавме во Струмица, па ќе отпатуваме во Грција, каде ќе одиграме четири пријателски натпревари. Потоа се враќаме дома и во последните две недели ќе ја темпираме формата за стартот на пролетната полусезона. Се надевам дека моите играчи ќе останат здрави за време на подготовките, а потоа ќе се фокусираме на добри настапи во Првата лига. Оставивме солиден впечаток во првиот дел од сезоната, сакаме така да биде и понатаму“, изјави Алаѓозовски.
Брера Струмица есенскиот дел го заврши вкупно 19 бодови. На своето конто запиша пет победи четири нерешени исходи и седум порази и вториот дел ќе го започнат од седмата позиција со Македонија ЃП на 7 февруари
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
