Браќата Љупче и Ѓорѓе Џекови од Струмица се повикани во македонската младинска репрезентација У21 за мечевите со Молдавија и Грузија. Иако имаат по 18 години заради добрите партии во дресот на Силекс, селекторот Канатларовски им дава можност на Џекови кои беа стандардни за У19 селекцијата да бидат дел и од У21 репрезентацијата.
Љупче Џеков кој има одлична сезона на голот на кратовски Силекс очекува да застане и на мрежата на македонската младинска репрезентација. Тој е во конкуренција со Алчевски и Јовчевски додека Ѓорѓе Џеков да биде дел од одбраната на младинската репрезентација предводена од селекторот Драган Канатларовски
,,Како прво, на 18 години да Ве повикат за репрезентацијата до 21 година е голема чест. Среќен сум шот сум дел од групата играчи од кои можеш само да учиш. Посебно сум горд што со брат ми го носиме дресот на националниот тим. Против Молдавија верувам дека сите ќе го дадеме максимумот независно кој ќе биде во стартните единаесет,, вели Љупче Џеков кој е стандарден во Силекс.
Двата меча против Молдавија и Груција се дел од за пласман на Европското првенство кое 2025 година ќе се одржи во Словачка. На 11. октомври ја пречекуваме селекцијата на Молдавија, на домаѓен терен. Пет дена подоцна на гостински терен играме против селекцијата на Грузија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
