Бранко Глигоров – пица мајстор од „Концепт“ Струмица беше единствениот претставник од регионот на Шампионатот на светските пица мајстори што се одржа во Римини Италија. Станува збор за еден од најпрестижните натпревари со повеќе од 30 години традиција каде доаѓаат пица мајстори од сите страни на светот кои мора да знаат да направат пица тесто според италијанската традиција. Како што објави порталот ,,Биди свој“ – Глигоров се преставил со солена и блага пица при што во конкуренција на околу 1000 пица мајстори од целито свет тој се пласираше меѓу првите 30 што преставува огромен успех.
„Се натпреварував во 2 категории блага и солена пица. Солена со тесто од романа, а состојките беа традиционални од струмичкиот крај како ајвар, овчо сирење, босиљок, а додадов и мортадела и пармезан. Спој на македонската кујна со традиционалното италијанско тесто за пица. Благата пица пак ја направив со Наполитана тесто по италијански рецепт (со висока хидратација) одозгора – смути од јагода, крем од бело чоколадо, јагода и рибизла и малина и мента – пица концепт“, вели Глигоров за Биди Свој каде може да се прочита за успехот на Бранко
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
