Министерот за транспорт и врски Благој Бочварски денеска во Радовиш, оствари работна средба со претставници од СИЗ Македонија Сообраќај АМЕРИТ, на која разговараа за претстојната распределба на ЕКМТ дозволите за следната година.
Во своето обраќање министерoт Бочварски истакна дека Владата и министерството за транспорт и врски преземаат сериозни мерки за надминување на состојбата со ковид кризата и обезбедување на континуиран транспорт на стока.
,, Во рамките на четвртиот сет на економски мерки, продолжуваме со поддршката за исплата на плати, која важи и за последниот квартал од годината. Новост во оваа мерка е што поддршката ќе биде одредена скалесто согласно падот на приходите кај компаниите па поддршката од државата за исплата на платите и таа ќе се движи од досегашните 14.500 до 21.776 денари,, кажа Бочварски.
Како што подвлече Бочварски во Радовиш, Министерството за транспорт и врски, ќе се изврши пролонгирање на важноста на лиценците за плус една година што значи дека на околу 7000 транспортери ќе им се продолжи лиценцата за работа дополнително за една година без надомест. Во однос на електронското пријавување за ЦЕМТ дозволите кое е од 13 до 15 овој месец, министерот верува дека ќе има успешна распределба.
,,За 2021 година, според квотата на базни дозволи со кои располага Министерството за транспорт и врски обезбедени се 1440 годишни дозволи за возила со Евро 6 стандард и 2280 месечни дозволи за возила со Евро 5 стандард. На овој начин настојуваме максимално да ги задоволиме потребите на нашите превозници за непречено одвивање на транспортот’’, рече Бочварски
На сребата за состојбите на транспортниот сектор во време на пандемија и претстојната распределба на ЕКМТ дозволи присуствуаа Игор Милев од Македонска Царина, Руфат Хусеини од Државниот инспекторат за транспорт и генералниот секретар на СИЗ Македонија сообракај АМЕРИТ Лефтер Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
