Почнаа работите за изградба и асфалтирање на улица во населеното место Робово – општина Босилово. Градежна механизација веќе е на терен за изведба на локална улица од должина од околу 200 метри . Станува збор за улицата кон селските гробишта која ќе биде во корист за поголем дел од граѓаните на ова населено место.
Како што објави градоначалникот на Босилово Зоран Зимбаков во ова населено место е планирана уште една улица која ќе се асфалтира до крајот на ова година . Станува збор за улицата од училиштето кон магистралниот пат А4 или т.н. стар пат во должина од околу 360 метри
,,Робово не е заборавено и ,,постои” на картата на општина Босилово. Продолжуваме понатаму и во останатите населени места’’ објави граодначалникот на Зоран Зимбаков на својата официјална фб фан страна.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
