Младата пингпонгарска надеж од Струмица Борис Секулов деновиве заминува на Европското првенство во Вараждин Хрватска за кадети, како дел од Македонската репрезентација во пинг понг. Секулов заедно со Александар Јакимовски ќе се обидат да направат изненадување на ова првенство каде ќе се престават најдобрите млади пингпонгари од цела Европа. Тие ќе бидат предводени од тренерот Сашко Богатинов и ќе се обидат од втор план да направат изненадувања
,, Според информациите конкуренцијата ќе биде доста силна. Ќе дадам максимум за да ја преставам Македонија во одлично светло. Ќе настапам во поединечна конкуренција а заедно со Јакимовски и во конкуренција во двојки. Сметам дека сме максимално подготвени и со нетрпение ги очекуваме противниците. Очекувам добро да се преставиме,, ни изјави 15 годишниот Секулов кој заврши во ООУ ,,Сандо Масев’’ во Струмица каде беше избран и за спортист на генерацијата.
Борис Секулов кој е член на ППК ,,Астраион Мегаспин’’ од Струмица е во врвот на македонскиот пинг понг во кадетска конкуренција. Со своите 15 години тој е на двојна регистрација и во ППК ,,Младост’’ од Прилеп кој е вицешампион на Македонија во сениорска конкуренција. Секулов е вицешампион на Македонија во ова конкуренција додека во конкуренција на спортисти до 18 години тој има бронза на национално ниво.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
