Богданчани детектираа десетина предлог идеи и решенија за реализација од средствата што општина Богданци ги доби од проектот „Зајакнување на општинските совети“, финансиран од Швајцарска агенција за развој и соработка, а спроведуван од Програма за развој на обединетите нации. На првата форумкса сесија околу 50 тина преставници од повеќе сектори и области се информираа за Форумот но и дебатираа што е приоритетно во општина Богданци
Самите граѓани и преставници на здруженија институтции ќе одлучат за кој проект или три проекти ќе треба да се наменат 50 те илјади швајцарски франци што општината ги доби од Швајцарската агенција. Целиот процес ќе има уште 4 форумски сесии низ кои учесниците ќе елаборираат, расправаат, нудат решенија и ќе гласаат за што да се искористат овие пари.
Во рамките на првата форумска сесија, граѓаните и преставниците од повеќе сектори и области од општина Богданци, предложија повеќе проект идеи за кои треба да се размислува низ форумскиот процес. Средствата во висина од 50 илјади швајцарски франци ќе бидат наменети за реализација на еден а најмногу до три проекти, кои ќе произлезат од форумските сесии, а треба да се реализираат до крајот на Декември 2020 година.
Беа понудени предлог идеи и решенија за унапредување на сообраќајниот режим со поставување нови сообраќајни знаци, уредување простор за рекреација и поставување на детско игралиште со урбан простор за млади, изградба на центар за деца со попреченост, опремување на кабинетите по природни науки во трите училишта во општината, отворање медиотеки во училиштата, изградба на летна сцена со амфитеатар кај Домот на Културата, расчистување и уредување на пристапните патишта до нивите .
Првиот човек на општина Богданци, Блаже Шапов го поздрави Форумот при што потенцираше дека ова е одлична можност да се слушне гласот на граѓаните и да се вклучат сите локални чинители во детектирањето на потребите и понуда на решенија кои ќе бидат во интерес на целата заедница.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
