Лоша патна инфраструктура, дотраена водоводна мрежа, немање соодветен канализационен систем, присуство на диви депонии, непокриеност на сите делови на општината со организирано собирање на комунален отпад….Ова се само дел од можните проблеми кои граѓаните на општина Богданци може да ги посочат за решавање идната година и да бидат дел од креирањето на Буџетот за идната година.
Општината на својата веб страна објави онлајн прашалник за да ги детектира потребите, предлозите и идеите на своите граѓани од Богданци и населените места за решавање идната година. Како што е наведено сите потреби ќе бидат на разгледување кај стручните служби, да утврдат може ли да бидат дел од Буџетската рамка за 2021.
На овој ЛИНК, жителите имат можност и да наведат не само област туку и конкретен проблем за решавање од местото на живеење но и дадат свои предлози, сугестии и видувања што му недостасува на Богданци или населните места Стојаково, Ѓавото, Селемли за да биде соодветно место за живеење а општината биде вистински сервис на граѓаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
