Градоначалникот на Општина Босилово Ристо Манчев денеска во струмичката болница ја посети Ѓоргина Стојчева од Моноспитово која на свет ги донесе близнаците Јован и Јане кои се првите жители на Струмичкиот регион ова 2025 година. Тој заедно со преставникот на Републичкиот совет за безбедност во сообраќајот на патиштата (РСБСП) на семејството Стојчеви за браќата Јован и Јане подарија транспортери за безбеден превоз во патнички возила но и сет на играчки за безгрижно детство.
Претходно мајката Ѓоргина со нејзината близнаци инаку прва рожба ги посети заменичката на градоначалниот на Струмица Елена Маѓеровска Паликарова со секретарот на општината Александар Оџаков и на Јован и Јане им доделија штедна книшка со 40 илјади денари.
Јован и Јане се породија на 2 јануари во попладневните часови а породувањето на Ѓоргина го направија д-р Сања Балџиева и д-р Атанас Тенев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
