Наградата за високо актерско достигнување на 33-от Меѓународен Фестивал на камерен театар „Ристо Шишков“,во Струмица ја доби актерката Билјана Драгичевиќ Пројковска од Драмскиот театар Скопје за улогата Корин Фел во претствата „Гадионовиот јазол“ од Џоана Адамс. Така одлучи жирито во состав Лео Долорес Поповиќ минатогдишниот лауреат на фестивалот, Анастас Попдимитров актер и режисер и Иван Додовски универзитетски проесор и драмски автор .
Тие во изминатите пет дена во Струмица проследија 12 престави со околу 40 актерски остварувања но едногласно одлучија паричната награда од 1500 евра и златен медаљон со ликот на Ристо Шишков да и припадне на Билјана Драгичевиќ Пројковска.
,,Во улогата на Корин Фел, мајка што трага по одговори за смртта на својот син, Биљана Драгиќевиќ Пројковска покажува фасцинантна доследност и суптилна самоконтрола во водењето на ликот, остварувајќи моќна и осмислена улога,, стои во одлуката на жирито.
Покрај главната награда, жири-комисијата одлучи да додели и специјална награда за најдобра претстава на Фестивалот.
Специјална награда за најдобра претстава се доделува за претставата „Ричард Трети“ од Вилијам Шекспир, во адаптација и режија на Мартин Мирчевски, во изведба на Народниот театар од Битола.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
