Бидете претпазливи со изложувањето на сонце, штетните ултравиолетови зраци може да предизвикаат рак на кожа. Вака предупредија преставниците од Клиниката за пластична хирургија и реконструктивна хирургија но и дерматовенеролозите на предавањето што се одржа во Струмица на тема ,, Бидете поитри од меланомот”. Д-р Софија Пејкова пластичен хирург и директор на Универзитетската клиника за пластична и реконструктивна хиругија кажа дека болеста зема се поголем замав во државата и затоа се овие едукативни предавања пред се за подигање на свеста кај населението за сиптомите, превенцијата и опасноста на карциномот на кожа
,, Според евиденцијата на Килиниката за пластична и реконструктивна хирургија двојно е зголемен бројот на пациентите со карцином на кожа во 2018 во однос на 2008 година, податок што е загрижувачки и затоа мора да бидеме претпазливи. Статистиката покажува дека најмногу од пациентите се од Југоистокот кои дневно повеќе часови се изложени на сонце и затоа мора јавноста да знае дека за секоја промена на кожата треба да се консултира матичниот лекар и дерматолог,, изјави д-р Софија Пејкова од Универзитетската клиника
Дерматолозите тврдат дека посебно треба да внимава младата популација претежно до 15 до 30 годишна возраст која се изложува на сонце или пак често користи солариуми. Билјана Ахтарова специјалист по дерматовенерологија од ПЗУ ,,Примадерма’’ од Струмица тврди дека при било каква промена на кожата како најосетлива веднаш да се консултира лекар
,, Со оглед дека доаѓаат сончеви периоди, препорака е да се користатат заштитни фактори за сонце но не било какви оти во продажба ги има разновидни, туку соодветни во зависност од самата кожа и нејзината здравствена состојба. Потребен е соодветен УВ заштитен фактор бидејки не секоја крема одговара на секоја кожа, значи констултација со дерматолози. Второ треба да се користи и физичка заштита како шапки, капи, очила лесна облека” кажа д-р Билјана Ахтарова дерматовенеролог
Кампањата за подигање на свеста за ракот на кожата ја организира Универзитетската клиника за пластична и реконструктивна хирургија од Скопје заедно со Министерство за здравство а на пристуните освен д-р Софија Пејкова и доктор Билјана Ахтарова се обрати и д-р Игор Пеев пластичен хирург при Клиниката за пластична и реконструктивна хирургија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
