Струмичка Беласица ја забележа и втората по ред победа во пролетниот дел од првенството во Втората лига Исток и полека се приближува до лидерското место кое носи директен билет во фудбалската елита на Македонија. На стадионот Благој Истатов во Струмица, избраниците на стратегот Александар Стојанов славеа со високи 6:0 против тимот на Локомотива Градско
Победата ја најави младиот 18 годишниот Димитар Трајков кој во првото полувреме три пати ја тресеше мрежата на Локомотива. Во вторите 45 минути како стрелци на головите се запишаа и Васил Крстев, Спасе Терзиев и Стефан Сулев.
Со ова победа Беласица ja стопи предноста на Победа и Слога кои сега имаат по 36 бода додека тие заедно со Саса по 34 бода откако лидерите ремизираа а Саса загуби на свој терен.
Следното коло Беласица има директен дуел со прилепска Победа и со евентуално славје широко ќе ја отвори вратата кон Прва лига
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
