60 секунди ги делеа струмичките сино бели од победа и цел плен во дуелот со Ренова на стадионот Благој Истатов во Струмица. Иако повеќе од половина час играа со играч помалку на теренот сепак извлекоа бод во дуелот со гипсарите кои со пенал во 94 минута го израмнија резултатот откако капитенот на Беласица Милушев во 28 минута ја смести топката во мрежата на гостите
Беласица одигра отворено и офанзивно со единствена цел да се прекине црната серија.Иницијативата вроди со плод во 28 минута кога по центаршутот на Робсон Да Силва, капитенот Александар Милушев го откри резултатот. Ренова се закануваше но голманот на струмичките сино бели Силјановски беше фантастичен бранејки неколку сигурни шанси на гостите.
Во 57 минту Милушев заради нов жолт картон мораше да го напушти теренот а Беласица да одолева на притистокот на Ренова до 94 минутна кога судијата Тефику покажа на белата точка заради игра со рака во забранетиот простор. Силјановски беше немоќен наспроти Јашаровски кој донесе трето реми за Ренова а Беласица да се радува на првиот бод сезонава
Бод во ова првенствено коло освоија и фудбалерите на Академија Пандев кои на гостувањето во Скопје кај Работнички одиграа 0:0
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
