Струмичка Беласица ја забележа и петата првенствена победа. На гостувањето во Јегуновце, синобелите славеа со 1:0 против Тетекс. Стрелец на единствениот погодок беше младиот Александар Коцев кој во втората минута од мечот го надмудри домашниот голман на тетовачни.
Со ова победа Беласица е на делба на првата позиција со штипска Брегалница. И двата тима имаат по 16 бода односно по пет победи и едно реми. Штипјани имаат подобра гол разлика додека струмичани во шестте кола имаат 15 гола постигнато а пет примено. Следното коло Беласица на свој терен го пречекува тимот на Шкеднија од Арачиново што ќе биде и дерби на седмото коло.
За време на мечот, избраниците на Александар Стојанов постојано имаа поддршка од Ајдуците кои иако во мал број навиваа за Беласица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
