Второто градско фудбалско дерби помеѓу струмичките прволигаши Беласица и Академија Пандев помина без голови со што продолжи слабиот процент на реализација на двата тима од Струмица кои по бројот на постигнати голови се најслабите тимови ова сезона. Академија Пандев по два круга со прволгиашите дома и гости има постигнато само 15 голови а во нивната мрежа завшрија 25. Не подобри со реализација се и фудбалерите на Беласица кои постигна 18 а примија дури 47 гола.
На стадионот во Струмица по 90 минути игра, двата тима освоија по еден бод со кои останаа на опашката на прволигашката табела и ,,виси’’ опстанокот во елитата. Иако и двата тима имаа одредени шанси да постигнат гол сепак мрежите мируваа. Актерите на двата тима одиграа претпазливо и чекаа зрела шанса да претворат во гол. Ваквиот епилог не донесе радост кај двата тима кои атакуваа по цел плен за да ја подгреат надежта за подобар старт во третиот круг мечеви кој ќе биде одлучувачки.
Академија Пандев сега има 22 бода а 9 помалку Беласица. Во последната третина од Шампионатот почнуваат од последните две позиции кои носат второлигашки статус а осмата и деветата бараж за опстанок. Иако има уште 11 кола да се одработат, тешка ќе биде задачата пред се за синобелите кои од утре стартуваат со новиот стратег . Тие ќе мора да врзат неколку победи во низа за да ја подгреат надежта. Слична е ситуацијата и за пандевци кои се во група од 4 екипи кои речиси имаат ист број бодови.
ФФМ веќе го објави распоредот во третиот и последен циклус. Двата струмички прволигаши походот за опстанок го стартуваат како гости. Пандевци кај Работнички а Беласица кај Борец
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
