Планината Беласица во Бугарија е парк на природата, во Грција е национален парк а во Македонија со години постои план да се прогласи како заштитено подрачје пишува порталот doma.edu.mk. кој на својата платформа објави видеоприказна за убавините на ова планина и третманот од трите држави. Порталот пишува дека на македонска страна на Беласица, засега постои само мала мрежа на заштитени подрачја. Тоа се Колешинските и Смоларските водопади, како и Моноспитовското Блато – сите споменици на природата објави Дома како протал на Институтот за комуникациски студии кој се занимава со заштита на животната средина.
Локалното население и стручната јавност од трите државни се согласни дека Беласица е значајна и треба да се зачува. Кај нас изгледа единствено недостасува политички интерес и волја да се грижиме за националната природа пренесува Дома за објавената видео приказна насловена ,,Беласица – приказна за природата што ја делиме” поддржана од Институтот за комуникациски студии.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
