Не е професионално да се објавуваат статии кои будат емоции кај читателите, особено во вонредни ситуации, а пак нивниот единствен извор е некој кој тврди дека ја предвидува иднината. Веста што ја рецензираме објавува едно „пророштво“ на Баба Ванѓа како завршена работа и тоа никако не може да се смета како информација достојна за јавноста. Исто така, со објавување на вакви пророштва, непотребно се велича ликот на рускиот претседател Владимир Путин и на тој начин медиумот, со или без намера, се приклучува кон руската пропаганда, пишува Порталб.мк
Исклучително сензационалниот наслов, особено во време кога граѓаните се претворени во уши и очи и ги следат медиумите за да разберат што се случува во Украина, „проповеда“ дека Путин ќе владее со светот.
„Путин ќе владее со светот“, БОМБА од Баба Ванѓа: Еве што ќе се случи следно“ е насловот на веста што ја рецензираме.
Потоа, целата вест се заснова на проповедта на бугарската пророчка со македонско потекло, позната како Баба Ванѓа и содржи информации кои се речиси невозможни да се проверат како вистинити или невистинити, меѓутоа истите предизвикуваат паника кај масите.
„Двајцата најголеми владетели на светот ќе се ракуваат“, вели пророчицата, додавајќи дека нема да има мир во светот додека не дојде „осмиот“ и многумина во тоа го видоа Путин“, пишува во веста што ја рецензираме.
Науката: Иднината не може да се проповеда!
Досега, и покрај големите научни откритија, не се откриени средства со кои би се проповедала иднината, така што секоја информација што го тврди спротивното е невистинита и спротивна на научните факти.
Едно од основните прашања што треба да си го постават новинарите пред да објавуваат вести е, „Кои се аргументите на кои се базира веста?“ И ако успеат да дадат логичен одговор на ова прашање, може да се каже дека веста ги има основните елементи за објавување.
Во конкретниов случај, во моментот кога има изјави кои будат емоции кај читателите и можат да предизвикаат паника, новинарот мора да користи други извори (најмалку два меѓусебно независни) за да ја потврди пласираната информација. Во случајов, покрај мистичниот дел, или оној што предизвикува интерес, неопходно било да се утврдат и научните факти за (не) можноста да се проповеда иднината како и дополнителни информации поврзани со конкретната тема.
Како рецензенти на оваа вест, констатираме дека истиот не содржи факти, веста не е точна и изворите не се проверени, тврдењата на некој пророк на иднината не се секогаш веродостојни, но честопати можат да имаат негативно влијание врз читателите.
Новинарот на текстот ја користел техниката на манипулација „Повикување на можното“, искористувајќи го фактот што има луѓе кои веруваат дека таканаречената Баба Ванѓа, била во право во некои проповеди и дефинитивно треба да биде во право и овој пат.
Бидејќи се работи за иднината, тешко е горенаведената статија да биде побиена со спротивни факти, па затоа, една од другите техники на манипулација што ја користи авторот е „Повикување на недостиг на докази за спротивното“.
Инаку, освен лажна аналогија, авторот ја искористил и вонредната ситуација во светот со руско-украинската војна за да пласира сензационална вест која е поврзана со ова, и очигледно го буди интересот на читателите, иако често тие вести се неточни и сензационалистички, како во конкретниот случај.
Да не занемариме и фактот дека со објавувањето на оваа информација рускиот претседател Владимир Путин автоматски се става на пиедесталот како светски лидер и тоа не е етичко, особено ако се има предвид фактот што тој во моментов води агресивен напад врз Украина. Со објавување на вакви проповеди, преземени од српските медиуми, непотребно се велича ликот на рускиот претседател Владимир Путин и со тоа медиумот, со или без намера, се приклучува кон руската пропаганда.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
