20 тина домакинки од Општина Босилово утрово ги запалија печките и почнаа да ги печат пиперките за да приготват ајвар по традиционален рецепт. Со тоа тие го означија стартот на првото издание на манифестацијата „Ајваријада“ во Босилово која има за цел да ги промовира сите специјалитети од црвени пиперки. Целата манифестација се одржува во дворот на училиштето Гоце Делчев во Босилово.
Првите тегли со ајвар се очекуваат после 12 часот кога и официјално ќе започне музичко културната програма. Приготвениот ајвар ќе се дегустира на лице место со домашно сирење а паралелно по штандовите може да се вкуси и лутеница, малиџано како и други традиционални рецепти од црвени пиперки.
Во рамките на културно уметничка програма каде ќе учествуваат Ленче Кукиќ, Благица Калева, Живко Динев, Бисера Гавровска, КУД „Гоце Делчев“ – Босилово, КУД “Кирил и Методиј“ – Иловица. Манифестацијата е под покровителство на Општина Босилово и Министерството за земјодество шумарство и водостопанство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
