Агенцијата за храна и ветеринарство соопшти дека изречената забрана за пиење на водата од струмичкиот водоснабдителен систем останува на сила. Оваа одлука следува по новодобиените резулати од анализираните мостри земени на 18.10.2024 година во рамки на спроведениот вонреден инспекциски надзор во водоснабдителниот објект – фабрика за вода на ЈКП „Комуналец” Струмица.
,,Сите мостри, по спроведените физичко – хемиски тестирања одговараат на законски дефинираните безбедносни критериуми, односно претходно зголеменото ниво на манган е во рамки на дозволените вредности. Микробиолошки, 4 од земените мостри не ги исполнуваат безбеднсноните критериуми поради детектирано зголемено присуство на на колиформни бактерии во водатата.Поради овие причини, изречената забрана за пиење на водата од струмичкиот водоснабдителен систем останува на сила,, стои во соопштението од АХВ
Инаку во рамки на надзорот, со цел верификација на испитувањата на мостри вода земени од страна на ЈКПД “Комуналец” Струмица – објект за преработка на вода за пиење и од водоводната мрежа, во присуство на стручна екипа за замање мостри од Институтот за јавно здравје Скопје, земени се 6 мостри за анализа на водата од водоводната мрежа на ЈПКД Комуналец Струмица. Една мостра е земана од сирова вода која доаѓа од браната, сирова вода од чешма во фабриката, втора мостра на хлорирана/третирана вода за пиење од чешма во фабриката за вода, три мостри вода за пиење од мерните места одредени од ЈПКД Комуналец во нивниот мониторинг план за земање мостри вода за анализа и една мостра вода за пиење земена по случаен избор на инспекторот од водоводната мрежа на ЈПКД Комуналец.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
