Жителите од населените места Добрашинци, Висока и Нова Маала како и од Чанаклија добија асфалтирана делница до патот кој води до браната Турија. Станува збор за делница т.е. пат од околу 1,3 километри изграден пред повеќе децениии и постојано се санираше и крпеше. Реализацијата на овој патен правец почна во октомври кога почна остранување на стариот асфалт и подлогата токму од крстосницата кон брана Турија па се до центарот на населеното место Добрашинци.
,,Овој локален пат е од витално значење за секојдневното живеење на граѓаните од населените места Добрашинци, Нова Маала, Висока Маала и Чанаклија. Продолжуваме да ги решаваме проблемите, за поубаво Василево“, објави градоначалникот на Василево Славе Андонов.
Вкупната должина на овој патен правец изнесува 1320 метри а ширината e околу 6 метри. Вкупниот Буџет за негова реализација е околу 16 000 000 денари а средствата се обезбедени преку Министерството за транспорт и врски како грант од Светска банка во рамки на Проектот за поврзување на локални патишта.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
