По барање на граѓаните на населеното место Чанаклија а согласно донесената Програма за изградба, реконструкција, одржување на локални патишта и улици за 2024 година, Општина Василево асфалтираше улица во с. Чанаклија.
Улицата во Чанаклија е со должина од 435 и ширина од околу 3 метри со вкупно асфалтирана површина од 1360 м2. Буџетот за нејзина изградба согласно Договорот со градежната компанија која ги изведува работите, изнесува 2 373 223 денари и истите се обезбедени од сопствени извори на приходи на општината
„Конечно после долги години очекувања на граѓаните, се асфалтира оваа улица во должина од околу 400 метри. Ова е улица во Чанаклија која за прв пат добива асфалт. Во наредниот период ќе се асфалтираат улици во сите населени места во општина Василево! Граѓаните се оние кои ни ја дадоа довербата која планирам во целост да ја оправдам и да работам во нивен интерес“, порача Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
