Асфалтирана е улицата во т.н. ,,Ничевска маала” во општинскиот центар Василево со што е заокружена целосно улицата од Црквата Пресвета Богородица до ООУ „Гоце Делчев“. Станува збор за делница од околу 300 метри а ширината е 4 метри плус банкина од едната страна на улицата.
,,Граѓаните поминаа низ тежок период во овој дел на Василево. Заедно со мојот тим од општината и фирмата изведувач , сериозно пристапивме на овој проблем и еве денес со гордост можам да кажам дека успешно го решивме,, објави градоначалникот Славе Андонов кој најави асфалтирање улици и во други населени места
Проектот за реконструкција на улицата во Василево од Црквата Пресвета Богородица до ООУ„Гоце Делчев“ е вреден околу 6,5 милиони денари од кои 2 милиони општината ги обезбеди преку Министерството за локална самоуправа од Бирото за регионален развој а останатиот дел се обезбедени од сопствениот Буџет. Инаку вкупната должина на целата улица изнесува 720 метри.
,,Комплетната реализација на овој проект значи подобрување на локалната патна инфраструктура во населеното место Василево како и подобрување на квалитетот на животот на жителите кои секојдневно ја користат оваа улица,, објавија од општина Василево
Изведувач на градежните активности е ДГТУ Евроградба Инженеринг ДООЕЛ, с. Владиевци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
