Струмички ,,Астраион’’ по две години натпреварување во Првата ракометна лига, од следната сезона се сели во најелитното ракометно друштво во Македонија што значи од септември ова година, во Струмица ќе се игра Суперлигашки ракомет. Ова е исходот по одлуката на РФМ за прекин на сите првенства од ова сезона а од следната, Супер лигата да брои вкупно 16 екипи. Тоа значи елитната лига од септември, ќе ја сочинуваат 10 те досегашни суперлигаши, Вардар и Еурофарм Пелистер но и 4 те најдобри екипи од двете Први лиги.
,,Астраион’’ кој досега беше најдобар во Првата лига група 1 каде од 15 меча оствари 13 победи, едно реми и пораз и со вкупно 40 бода обезбедува суперлигашки статус. Со нив во Супер лигата оди и второпласираниот состав Прилеп. Од групата пак 2 во елитата одат Тиквеш од Кавадарци кој беше прв во ова друштво и тимот на Кире Лазаров КЛ 7 од Св.Николе кој беше второпласиран.
Според предлогот на структурите на РФМ сезона 2020/21 година машката Супер лига да биде поделена во две групи од по осум екипи, но за тоа допрва ќе се одлучува односно следната недела треба да се изјасни УО на РФМ.
,,Ова е исполнување на нашиот сон бидејки стартувавме како ракометна школа и трпеливо градевме ракометари од Струмица а веќе прераснавме во сериозен ракометен клуб за што кажуваат резултатите кои ги остваруваме. И без ваквата одлука од РФМ наша првенствена цел беше Супер лигата, оти во нашата група бевме лидери. Ова е успех на сите ракометари, стручниот штаб и раководството на клубот кои професионално работат и се посветени на враќање на сјајот на ракометот во Струмица,, информираа од клубот кои од следната есен на струмичани ќе им ги донесат големите ракометни имиња во Струмица
РК ,,Астраион’’ постои веќе 5 години. Отвори ракометна школа и почна да се натпреварува во пионерска и кадетска конкуренција. Со тек на години градеше квалитетни ракометари кои станаа цел на големи клубови. Меѓу нив е Васил Гогов кој како астарионец од Струмица се пресели во Вардар и дебитираше во Лигата на Шампионите. Од редовите на ,,Астраион’’ исто така замина и Славе Јанковски во Вардар Јуниор.
Со ракометарите работат Димитар Пандев, Пепи Пецанов, Александар Пиличев – Леце и со организациона административна посветеност од Ратко Макенаџиев, Александар Јанков ,,Астраион’’ стаса каде што посакуаше. Клубот освен сениорскиот тим, има и екипи во кадетска и пионерска конкуренција кои се на водечките позиции во своите конкуренции и е силно фокусиран со струмички деца да ги освојува ракометните височини во земјава па и во странство. Од клубот изразуваат и огромна благодарност до сите фирми кои го препознаа професионалното и посветено работење на ,,астраионци’’ и без нивната поддршка немаше да се остварат овие резултати.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
