Фолклорниот ансамбл „Мегдан“ од Богданци отвори своја фолклорна секција во Дојран со цел да понуди можност младите од ова Општина да се запознаат преку ора и танци со богатиот македонскиот фолклор и традиција. Вчера во просториите на спортската сала при основното училиште ,,Кочо Рацин“ во Нов Дојран каде се пријавија голем број на деца се одржа првата проба. Со ова „Мегдан” од Богданци испишува нова страница со што на децата ќе им понуди професионално усовршување на чекорите и кореографиите на македонските традиционални ора.
,,Чувство бесценето, деца прекрасни, интелигентни, сконцентрирани, насмеани, по малку исплашени, мали, а сепак големи, секој во свој филм. А родителите, посматрачи со благи насмевки, и мала несигурност, дали ова ќе трае или не. Ви благодариме на сите што бевте дел од создавањето на една нова страница на „Мегдан”, и се надевам дека во иднина ќе го направите и „Мегдан” и Општина Дојран горда со вашите постигнувања. Ветуваме дека ова не е проект за една, две години, туку колку сме поголеми, толку повеќе можеме и повеќе ќе постоиме. “НАРОД БЕЗ СВОИ ОБИЧАИ, ТРАДИЦИЈА И КУЛТУРА, Е ОСУДЕН НА ИЗУМИРАЊЕ”,, стои во објавата на ансамблот Мегдан од Богданци.
Групата ја раководи дипломиран етнолог Петар Стојчевски а пробите се одржуваат секој вторник и четврток во спортската сала при основното училиште во Нов Дојран од 18:00 до 19:00 а сите заинтерсирани може да го посетат ФБ профилот на Ансамблот Мегдан или да се јават на 077 511 717
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
