Центарот Мултус од Гевгелија заедно со Диверзија се вклучија во програмата на SELDI и се дел од акцијата наслоевена „Граѓанско општество за добро управување и борба против корупцијата во Југоисточна Европа: Градење капацитети за застапување засновано на докази, влијание врз политиките и граѓанско ангажирање“. Станува збор за проект насловен “Под маса: претпродажба на интегритетот” поддржан од мрежата SELDI (SELDI.net) и Европската унија а има за цел да се зголеми критичкото размислување на јавноста за одредени теми меѓу кои за мито и корупција.
Мултус ја спроведува втората анкета откако во првата 83 одсто од испитаниците се изјасниле дека биле во ситуација каде што некој очекувал мито. Како и првата така и втората е анонимна но сега се бараат одговори во кои сектори се бара мито и за што, дали од одговорни или лица од понизок ранг на вработени, дали се бараат пари или нешто друго и како сте реагирале…..
Анонимната анкета може да ја видете ТУКА
Темата е корупција и е дел од долгогодишната програма на Мултус на зголемување на критичкото размислување за круцијални социјални теми, овојпат мито и корупција. Во проектот се работат 6 видеа со Диверзија за побаран или понуден поткуп и коруптивни практики на обичниот граѓанин и јавната администрација, со цел да се зголеми свеста за работите кои сметаме дека се нормални, а спаѓаат во овие категории.
Во првото видео од проектот Диверзија го прикажуваат секојдневниот порив на одредена група граѓани да го постават прашањето „Знаеш ли ти кој сум јас“ Прашањето „Знаеш ли ти кој сум јас?“ се одговара само по себе, бидејќи ако знаевме немаше да има потреба да биде поставено. Симптомите позади ова прашање најчесто се поткуп и корупција…..
Во второто видео се обработува очигледната коруптивна патека на приватизација на река за изградба на мала хидроцентрала на Кожуф.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
