Во недела жителите на општина Дојран ќе излезат на референдумско изјаснување дали се ЗА или ПРОТИВ потпишување на договор за јавно приватно партнерство за комуналните услуги водовод и канализација. Конкретно станува збор за иницијатива на општината за формирање на јавно приватно претпријатие кое ќе има за задача да се грижи за овие комунални услуги во рок од 30 години а во првите три да инвестира околу 8,1 милион евра во нови водоводни и канализациони мрежи во цела општина
Во општина Дојран право на глас за неделниот референдум имаат околу 2.750 граѓани кои ќе се изјаснуваат на осум гласачки места. Во зависност од нивните гласови општината ќе одлучува дали ќе се продолжи постапката за формирање на ново комунално претпријатие по пат на јавно-приватно партнерство за водовод и канализација во кое свој дел ќе има општината а преку Советот на општина Дојран ќе ги утврдуваат цените на комуналните услуги.
Градоначалникот на Дојран Анго Ангов на својот ФБ ги повика дојранчани во недела да излезат и да се изјаснат, бидејки за нив како општина им е важно мислењето на граѓаните од ова општина за што во изминатиот период одржаа средби во секое населено место објаснувајки го концептот кој не значи приватизација на овие услуги.
,,За мене како градоначалник е важно да постои комунално кое ќе е одржливо, ослободено од долгови, високо функционално и професионално, модернизирано, и најважно – ќе ги задоволува потребите на граѓаните. Токму затоа понудивме концепт, општина Дојран трајно да го реши проблемот со водоснабдувањето, нашите населени места да имаат канализациони системи и третман на отпадни води какви што заслужуваат, а граѓаните да добијат висококвалитетни и непречни услуги. Важно е во недела да излезете за да го кажете вашето мислење, без разлика дали сте ЗА или ПРОТИВ , нам ни треба помош во носењето одлука, нам ни е важен народот и затоа го прашуваме, ова е натпартиска работа,, објави Ангов
Инаку партијата Левица деновиве излезе со официјален став дека се Против овој концепт на општинските власти и ги повика дојранчани да излезат во недела и да заокружат против на референдумското прашање.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
