На 28 февруари во Бејрут, Либан, ќе се одржи изборот за Мис на Европа 2022. Македонија ќе ја претставуваат Ана Брзанова (22) од Гевгелија и Мија Стерјовска (18) од Скопје, членки на Модното студио „Црнокрак“. Реномираното модно студио ја поседува лиценцата за Македонија за овој најголем европски избор за убавина.
„Се надеваме на убави вести од Бејрут во понеделник вечер“, вели Мики Црнокрак.
Мики е во Бејрут заедно со девојките. Тој ни откри дека финалистките на овој настан веќе две недели се во Либан и се подготвуваат за големото финале што ќе се одржи следната недела.
Брзанова минатата година во ноември ја преставуваше државата на изборот на Miss Earth кој требаше да се одржи во Филипините, но поради ковид пандемијата ќе биде онлајн.
Младата убавица од Гевгелија е носител на титулата „Top Models of the World 2020“ на изборот во Хургада Египет . Тогаш во конкуренција на 45 учеснички Ана Брзанова ја освои титулата на Топ модел со најдобра вечерна тоалета како дел од програмата за настап на секоја од учесничките на овој натпревар на кој победи преставничката на Шпанија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
