Младата струмичанка Анастасија Цамбулева победи на возобновениот фестивал на млади талентирани пејачи ,,Смотра 2025“ во населеното место Сушица Општина Ново Село. Вака одлучи жирито во состав Андријана Јаневска, Спасен Силјановски и Александра Јанева кои подвлекоа дека сите пејачи покажале многу на сцената а за најдобрите било тешко и одлучувале нијанси.
Но како што кажаа, Анастасија Цамбулева која ја отпеа песната „Брод што тоне“ од Тамара Тодевска направила спој на силни емоции и одлична вокална интерпретација.
Второто место го поделија 18 годишната Мартина Митева од Струмица и Сергеј Поповски од Прилеп. На синоќешното издание на Смотра 2025 беа доделени три трети награди и нив ги освоија Онур Пашага од Гостивар, Марија Панчурева и Душко Никовски од Струмица.
Вкупно 15 млади таленти ги докажуваа своите вокални способности, интерпретирајки песни од повеќе жанрови. Сите тие пеаа во живо придржувани од Легато бенд а за пристуните свој репертоар имаше и Ристе Гавровски. Фестивалот кој има за промоција на млади теаленитрани пејачи беше организиран од Оптшина Ново Село со поддршка на Советот и Градоначалникот Ѓорѓе Божинов. (М.К.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
