Агенцијата за млади и спорт ja информира јавноста дека нема да ги признае резултатите од Изборното Собрание на Фудбалската федерација на Македонија (ФФМ) коешто ќе се одржи утре, ниту пак ќе има свој преставник да учествува на истото. Вака соопшти Агенцијата денеска кое како владино тело е надлежно за работите од областа на спортот и вршње надзор над спроведувањето на одредбие од Законот за спорт.
,,ФФМ подолг период ги игнорира и одлуките на надлежните институции и продолжува со непочитувањето на Законот за спорт и покрај инистирањето на АМС. Иако се покренатите институционални и судски постапки, ФФМ продолжува да функционира и да делува спротивно на Законот за спорт и позитивното право во државата. Имајќи предвид дека мандатите на делегатите, комисијата за избори, претседателот и членовите на УО на ФФМ, истекоа на 17.02.2021 година, АМС известува дека нема да биде признаен незаконски избор на делегати од ОФС, како и избор на тела во ФФМ,, стои во известувањето од Агенцијата
Агенцијата уште еднаш потврдува дека Законот за спорт мора да важи подеднакво за сите кои се занимаваат со спорт при што напоменува дека имаат поддршка и од поголем број клубови од Прва и Втора лига за почитување на законот.
На утрешното најавено изборно собрание на ФФМ нема да има преставници од ОФС Струмица кој не даде ниту делегати ниту предлог член за УО ниту пак поддршка за претседател.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
