Амбасадорката на САД во Македонија Кејт Мари Брнс денеска ја посети Струмица при што била дел од завршнит настан за зајакнување на апи туризмот, проект што го спроведува здружението Органо Логистик, објави амбасадата на САД во земјава на социјалните мрежи. Таа се информирала за напорите на струмичките пчелари за органското производство на мед но и за можноста за развој на апи туризмот
,,Амбасадорот Брнс денес ја посети Струмица за да присуствува на завршниот настан од проектот на Органо-Логистик со цел зајакнување на апи-туризмот. Целта на проектот за зајакнување на капацитетите на органскиот апи-туризам е да им помогне на пчелните земјоделци и студенти да научат најдобри практики и промоција на органскиот апи-туризам како дел од поголема обука за апи терапија, апи рути и апи туристички водичи,, соопштија од амбасадата на САД
Амбасадорката Брнс го посети и манастирот Пресвета Богородица Елеуса во Вељуса, за кој во 2019 година беше одобрен грант од Фондот на амбасадори на САД во висина од 100 илјади долари . Средствата се наменети за целосна конзервација на фреско живописот во манастирот кој е повеќе слоен и потекнува од 13 и 14 век. Со средствата е планирано и конзервација на надворешната фасада, интервенции на кровот и конзервација на мозаикот.
Паралелно таа го посети и СОУ Јане Сандански. Ова училиште на својата ФБ страна објави амбасадорката била запознаена со најзначајните достигнувања на училиштето а со група ученици од четврта година имала и средба на која средношколците поставувале прашања во однос на средното и високото образование, стипендии за школување во САД, како и други програми за усовршување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
