Акивистите против изградба на рудници ја поздравија одлуката на Владата да го одбие барањето на компанијата Еуромакс Ресорсис за добивање дозвола за екплоатација на минерални суровини бакар и злато на планината Огражден кај Иловица. Тврдат дека се пример за вистински граѓански активизам кои повеќе од две години ги алармирале институциите дека нивните права за здрава животна средина се загрозени.Последниве 18 дена тие постојано го блокираа концесискиот простор на Еуромакс и со дежурства не дозволуваа никаков пристап до него
,, Блокадата официјално ја прогласуваме за завршена поради исполнување на целат. Ќе поставиме патроли кои ќе не информираат за состојбата на терен и повторно ќе реагираме доколку се појават работниците на Еуромакс. Им препорачуваме да ја избегнуваат планината и непотребните провокации, реалноста е дека рудник нема да има. Ја поздравуваме одлуката на Владата како вистинска согласно законите на државата, но сепак ќе почекаме 15 денови за да и конечно да им се одземе пвата концесија за рудникот Иловица-Штука’’ информираа од здружението Здрава котлина на својата ФБ страна
Активистите тврдат дека постоела и втора концесија која истекувала во јануари идната годинаи и ја охрабруваат Владата да го направи истото и со неа и да докаже дека институциите функционираат во полза на граѓаните
Владата на последната седница ја усвои информацијата на министерството за економија за одбивање на барањето за издавање дозвола за експлотација на руда од Иловица поднесено од концесионерот Еуромакс.
,, Утврдено е дека компанијата не ги доставила сите потребни документи што се бараат согласно Законот за минерални суровини за добивање дозвола за експлотација,, стои во соопштението од Владата која ифнормира дека по истеот на задолжителниот рок за жалба од 15 дена , Владата ќе може да донесе и конечна одлука за едностран раскин на договорот за концесија со ,,Еуромакс ресорсис’’ за рудник кај Иловица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
