Десетина ќеси со отпад се собраа во акцијата за чистење и уредување на Колешинскиот водопад што ја реализираше граѓанското движење “Ја штитам Беласица“. Членовите на оваа движење ги исчистија сите отпадоци по патеката, го собраа и отпадот од корпите а ги отстранија и паднатите гранки и дрва како од локалитетот така и од коритото на водата што тече.
Како што информираа од ова граѓанско движење, со ова акција упатуваат апел за поголема одговорност на сите институции кон ова природно богатство но и отворање на постапка за прогласување на Колешинскиот водопад за заштитена зона.
,, Со оваа акција симболично ја започнуваме иницијативата за прогласување на Колешинскиот водопад за заштитена зона, со што сакаме да обезбедиме долгорочна грижа и зачувување на овој природен бисер. Во рамки на акцијата, беше темелно исчистен целиот водопад од наталоженото ѓубре, ги отпуштивме затнатите делови на водопадот за да се овозможи непречен проток на водата, и ги отстранивме паднатите и суви дрвја што го загрозуваа природниот амбиент,, стои в во објавата на граѓанските активисти.
Ова не е прва акција што ја реализира ,,Ја штитам Беласица“. Досега имаат спроведено повеќе еко акции но се и силни поборници против дивата и неконтролирана сеча на дрва од Беласица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
