Младите од населеното место Колешино, активисти на ,,Ја Штитам Беласица“ реализираа акција со која ги исчистија улиците од отпад но и ги уредија јавните зелени површини. Станува збор за прва еко акција ,,Колешино Без Отпад“ која ќе има свои продолженија се со цел да се направи ова населено место чисто, убаво и пример за останатите.
,,Акцијата помина баш како што испланиравме. Го средивме просторот кој беше предвиден за да се исчисти и уреди. Во акцијата беа вклучени активистите на ,,Ја Штитам Беласица’’ и голема поддршка дадоа дел од жителите на Колешино кои ни се приклучија дел со активна работа, а некои ни дадоа морална поддршка и ни честитаа за иницијативата,, вели Давид Златанов од ова движење.
Според него во наредниот период се планираат и други еко акции за поубаво и почисто Колешино но и за добро уредена животна средина.
,,Ние како движење сакаме да ги заштитиме природните убавини кои ни се дар од природата и сакаме истите да ги промовираме за да може нашите млади овде да развиваат свои бизниси кои ќе донесаат развој и просперитет на нашиот крај. Секоја наша акција ја испраќа следнава порака: Ние ќе остане овде и ќе го развиеме нашиот крај за да добиеме достоинствен и квалитетен живот во нашите дедовини“ вели Златанов од Ја штитам Беласица.
Освен во Колешино активистите на ,,Ја Штитам Беласица“ ќе потикнат еко акции и во другите населени места во Општина Ново Село .
,,Поради долгогодишната не заентересиранот и без планското работење на сите локално власти, веќе се шушка дека нашето движење може и да излезе на избори па нашиот борбен дух и нашата амбициозност и посветеност на родниот крај да ја преточиме и во институционална борба. Така да очекувајте наскоро вистинско распламнување на борбата“, вели Златанов кој преку Ја штитам Беласица најави камп од 24 до 26 ти мај кој ќе понуди нови искуства и забава. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
