Откако го изработи основниот проект за секундарна дистрибутивна гасоводна мрежа, општина Радовиш работи на обезбедување средства за изградба на истата, која ќе се приклучи на националниот гасовод доколку се пушти крак од Штип или да работи на гас кој ќе се увезува во компресирана форма исто како и во Струмица. Првиот човек на Радовиш Герасим Конзулов вели дека ако до крајот на годинава не добијат средства од државата за таа намена, за идната година ќе планираат средства од сопствениот буџет да отпочнат да ја градат секундарната мрежа од 7 километри
,,Целиот проект би чинел околу 600 илјади евра. Како општина сами го изработивме проектот за изградба на гасоводна мрежа. Чекам државата да распише повици за таа намена. Ако до крајот на годинава не бидат распишани било какви национални повици за гасификација на општините тогаш ние како локална самоуправа ќе најдеме решение од сопствени средства да ја изградиме мрежата,, кажа градоначалникот на Радовиш Конзулов пред пандемијата со Коронавирус
( Според Конзулов се бара решение идната година да се отпочне со изградба на мрежата)
Општина Радовиш е единствената во Југоистокот која има изработено проектна документација за изградба на гасоводна мрежа. Студијата и основниот проект го изработи фирмата Филбис од Скопје и истиот беше презентиран пред советниците на Радовиш. Мрежата ќе биде компатибилна и за националниот гасовод доколку се пушти крак од Штип кон Радовиш, ако не ќе функционира по примерот на Струмица
,, Мрежата ќе биде компатибилна да функционира или на гасовт од националниот госовод или со виртуелен гас по примерот на Струмица. Со проектот имаме предвидено локација каде ќе биде декопресионата станица. Како општина работиме на ова поле со оглед дека овој енергенс е најефтин и најеколошки. Се планира во првата фаза да бидат опфатени јавните институции, стопанските капацитети но ако има интерес ќе бидат опфатени и домакинства’’ рече Конзулов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
