Активистите против рудници од Здрава котлина организираа протестен моторизиран караван во струмичко, со кој побараа од Владата под итно да го раскине договорот за концесија за рудникот Иловица-Штука. Тие денеска протстираа со моторни возила и мотори и со вклучени сирени ја анимираа јавноста и побараа од Владата да донесе одлука за одземање на концесијата за овој рудник, во спротивно се закануваат со нови протести и блокади
,,Ова е предупредување. Доколку не му се одземе истечената концесија на Еуромакс а сега Трафигура нема да седеме мирни туку постојано ќе сме на улици и ќе организираме дополнителни протести и блокади не само во струмичко туку и во југоистокот,, рече Милена Зафирова активистка против рудници од здружението Здрава котлина кои го организираа денешниот моторизиран протест
Според организаторите, ова е предупредувачки протест и показна вежба што евентуално би можела да се трансформира во целосна децентрализирана блокада на цел Југоисток во блиска иднина, доколку, како што велат, Владата не ги уважи законите и јасно изразената волја на граѓаните за стопирање и одземање на истечената концесија за рудникот.
Моторизираниот протест траеше речиси три часа. Активистите против рудници извозеа 60 километри не само по улиците во Струмица, туку и по населените места во општините Ново Село и Босилово кои ќе бидат најзасегнати ако се отвори рудник на Огражден.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
