На седум кола до крајот на шампионатот струмичкиот прволигаш АП Брера Струмица падна на последната позиција и веќе се вбројува во можните кандидати за преселба во понизок ранг на натпреварување. Струмичани фенерот го превзеда откако денес на стадионот Благој Истатов претрпеа пораз од Вардар со 2:0.
АП Брера Струмица има турбулентна сезона и никако не успева да се стабилизира. По целосниот ремонт зимоска, откако речиси сите првотимци си заминаа, струмичани немаат победа. Од осум првенствени пролетни кола имаат само два бода, откако одиграа нерешено со Пелистер дома и со Гостивар во гости.
Денеска Вардар притискаше и ги однесе бодовите од Струмица и полека се одлепија од опасната зона – бодови за кои сите се надеваа дека ќе бидат од голема полза за струмичани. Брера веќе подолг период беше во вториот дел од табелата, но по 15 тиот пораз падна на последното место со само 21 бод, еден помалку од Воска и Тиквеш и три од Беса.
Иако има уште да се игра до крајот на шампионатот – 7 кола, но прикажаното од „новиот„ тим не носи голем оптимизам за да се избегне црвената зона. Брера Струмица во Купот е во полуфиналето и игра со Вардар
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
