Автобусот кој утрово се запали на автопатот „Струма“ близу Перник и во кој загинаа 45 граѓани меѓу кои и 12 деца немал лиценца за меѓународен транспорт на патници и воопшто не бил заведен во електронската евиденција на министерството за транспорт и врски. Министерот Благој Бочварски вечерва на прес-конференција кажа дека превозникот со седиште во скопско Рашче имал уредна лиценца, но меѓу четирите автобуси заведени во евиденцијата на неговото министерство го нема автобусот кој изгоре .
Бочварски вечерва информираше дека превозникот на „Беса транс“ му била издадена лиценца за вршење на меѓународен слободен превоз на патници со важност од 08.08.2018 година до 08.08.2022 година, односно има уредна лиценца за вршење на меѓународен слободен превоз на патници. Но појасни дека во системот „Беса транс“ е заведен со 4 возила кои поседуваат лиценца за превоз но конкретниот автобус не бил пријавен од страна на превозникот
Министерот за транспорт и врски Бочварски соопшти дека согласно досега добиените сознанија превозникот вршел меѓународен превоз без извод од лиценца за конкретното возило, врз основа на член 12 став 2 алинеја 1 од Законот за превоз во патен сообраќај, во тек е постапка за одземање на лиценцата за работа на превозникот, и дека на денешната седница Владата го задолжи Државниот инспекторат за транспорт за изврши вонреден инспекциски надзор во компанијата „Беса транс“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
