Политичката партија Аваја, вечерва, одржа средба со жителите на Виница. На средбата во ромското маало, генералниот секретар на партијата Елвис Мемети, потсети дека во изминатите 30 година нема амбасадори Роми, нема претставници во конзулатите во странство, нема културни одликувања за наши истакнати лица од заедницата во програмите на ниту еден кандидат, нема кандидати за помилување на листите на лица кои се во затвор, нема Роми во безбедносните структури, во армијата и така натаму.
„Влегов во Аваја затоа што видов искрени и млади луѓе кои сакаат да помогнат на нашите луѓе и на нашата заедница. Јас сум Ибо Велиов од Виница и заедно со носителот на изборната листа Идриз Зејнелов, сме вашите кандидати за пратеници. Иако се уште сум млад, многу добро знам дека се бидува со луѓе и за се е потребно желба и верба. Многу полесно е да работиме и да решаваме проблеми ако имаме наши луѓе кои работат и ги претставуваат нашите интереси“, рече Велиов.
Според него, Ромите од Виница не се слаби и затоа со заокружување на бројот 10 – како Меси во фудбалот, така и ние во политиката ќе ја донесеме победата за Аваја.
„Кога сме заедно мора да успееме. Тука сум затоа што сакам да работам и да му помогнам на нашиот народ. Сакам да одиме напред. Ни треба вашата подршка за да се искачиме повисоко и да успееме заедно. ВРЕМЕ Е! да напишеме нова историја, ВРЕМЕ Е на 8 Мај да заокружиме број 10. Напред Аваја, напред Виница“, порача Велиов.
Носителот на листата во Изборната единица 3, Идрис Зејнелов, пред сограѓаните рече дека се наоѓаат пред пресвртна точка.
„Не може да дозволиме да чекаме повеќе! Нашите семејства, нашите соседи, нашата иднина – сите се во прашање. Стоиме на крстосница и мора да направиме избор. Нема да нè поколебаат себични мотиви – наместо тоа, ќе работиме неуморно за доброто на сите, Нема да нè поколебаат себични мотиви – наместо тоа, ќе работиме неуморно за доброто на сите се додека нашиот план што го преставуваме не се реализира“, порача Зејнелов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
