Одбојкарите на Џио Струмица обезбедија шампионско финале. Вечерва во салата Парк во мајсторката, момците на Кире Ричлиев не дозволија изненадување. Славеа против Вардр со 3:1 во сетови (25:19, 25:22, 26:28, 25:23) и стасаа до втората победа во полуфиналето од плеј офот која значи и финале за титула.
Поучени од грешките во претходните два меча, струмичките момци го стегнаа сервисот и приемот и одиграа далеку подобро на мрежа принудувајки го Вардар да секне во салата Парк во желбата за финале со кичевска Шутова. Вардаровите одбојкари се обидоа преку третиот сет да направат пресврт. Намалија на 2:1 во сетови а во четвртиот имаа предност но не ја искористија.
Новиот одбојкарски шампион ќе се бара меѓу Џио Струмица и Шутова од Кичево. Финалната пресметка почнува престојниот викенд. Шампион ќе биде тимот што ќе стаса до три победи во финалната серија. Четата на капитенот на струмичани Васе Михаилов – Николов, Илиев, Урдов, Наков, Ричлиеви и останатите ќе имат предност од една победа бидејки регуларниот дел од првенството го завршија на првото место
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
