Акутелниот одбојкарски Шампион ,,Џио Струмица” се засили со српскиот интернационалец кој треба да помогне во амбициите на клубот да ја одбрани двојната круна од минатата сезона. Станува збор за Глигор Поповиќ од Чачак роден 1994 година универзален играч, кој зад себе има и интернационално искуство. Неговата официјална промоција во дресот на Џио Струмица се очекува утре во дуелот со Весна Пробиштип на домашен терен со почеток во 18 часот.
Поповиќ веќе подолг период е со екипата на Џио Струмица. Со тимот беше и на гостувањето во Солун каде одиграа пријателски меч со грчкиот прволигаш Елпис Ампелокипон каде забележа победа од 3:1 во сетови каде ги задоволи вкусовите на стручниот штаб на шампионот. Се чекаа само формалностите за да заигра за струмичани кои ова сезона останаа без Михаилов, Маџунков и Илиев бидејки на почетокот на првенството заминаа во Вардар во Скопје.
Освен Поповиќ, Џио Струмица за пролетната полуетапа во сопствените редови ги донесе двајцата репрезентативци од Пробиштип – Иван Андонов и Филип Николоски кои се универзални играчи и младиот и надежен одбојкар блокер Стефан Алексов од Штип. Со последните засилувања и добрите подоготвки за време на зимскиот преоден рок Џио Струмица покажа повисоко ниво на игра за што сведочи минималниот пораз во Скопје од Вардар кој се смета за најголемиот кандидат за годинашнава титула.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
