Џио со нова победа, на Универзитет Тетово му одржа одбојкарска ,,лекција“ откако изгуби сет

171

Одбојкарите на “Џио Струмица“ ја забелажаа и 11 тата победа од исто толку мечеви во Првата лига откако попладнево во салата Парк го надиграа ,,Универзитет во Тетово’’ со 3:1 во сетови. Со максимален учинок од 33 поени, Џио Струмица останува на лидерската позиција од каде најверојатно ќе ја започне разврската за одбрана на шампионската титула бидејки останатите конкуренти на своето конто имаат и по неколку порази.

Струмичани кои доминираа на теренот го загубија само првиот сет кога концентрацијата паднаа во финишот. Сето тоа го искористија тетовчани кои со 26:24 поведоа со 1:0. И кога тетовчани се надеваа за поволен резултат во Струмица одбојкарите на Џио лути на изгубениот сет во продолжението одржаа одбојкарска лекција. Од сите позиции поентираа и го принудија тетовскиот состав да се помири со пораз.

Џио вториот сет го доби со 25:15 и го израмни резултатот. Со исто темпо играше и во третиот кој го доби со 25:19 а во четвртиот само ја потврди својата доминација со 25:16 за конечни 3:1 во сетови, уривајки ги надежите на тетовчани дека може нешто да извлечат од сеуште неосвоената Парк на одбојкарски план ова сезона.

Владо Милев со 16 поени беше најефикасен кај Џио. Урдов постигна 14, Николов 11 Михаилов 10 поени. Кај гостите најрасположен беше Симовски кој постигна 22 поени. Следното коло тимот на струмичкиот одбојкарски прволигаш му гостува на Вардар во Скопје.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.