Ќе се тампонира дел од полскиот пат Ангелци – Струмица во месноста „Орман“ во должина од 1 100 метри

1309

Идната година ќе се тампонира полскиот пат од Ангелци кон Струмица откако Општина Василево обезбеди средства за таа намена преку Центарот за развој на Југоисточниот плански регион во рамките на проектот „Подобрување на постојната патна инфраструктура во руралните средини во Југоисточниот плански регион заради подобар пристап до земјоделските површини“

Станува збор за полски пат во месноста Орман во должина од околу 1100 метри. Патот ќе широк 3 метри ќе биде посипан со околу 660 мчакал. Овој патен правец води кон повеќе земјоделски парцели кои се наѓаат на патот Ангелци – Струмица кај месноста Орман.

Средствата во висина од 825.882   денари општина Василево ги обезбеди во партнерство со Центарот за развој на ЈИПР преку Програмата за капитални субвенции за развој на плански региони во областа на земјоделството и руралниот развој за 2023 година на Министерството за земјоделство, шумарство и водостопанство.

Санацијата на овој пат е од големо значење бидејќи подобрувањето на состојбата на полските патишта најдиректно влијае на пристапот до обрабнотливите површини и на земјоделците им го олеснува транспортот на земјоделските производи до откупните пунктови.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.